بۇرىنعى اۋلا سىپىرۋشى جىگىت پەن فوتوگراف قىز ينستاگرام ارقىلى ميلليونداپ تابىس تاۋىپ ءجۇر - فوتو

استانا. قازاقپارات - 26 جاستاعى دجەك مانچەستەردەگى مەكتەپتى بىتىرگەننەن كەيىن بەس جىل اۋلا سىپىرۋشى بولىپ جۇمىس ىستەگەن.

ال اۆستريالىق 23 جاستاعى لورەن بولسا وزدىگىنەن ۇيرەنگەن فوتوگراف.

 ولار ەكەۋى بىرىگىپ كەرەمەت جۇپ بولىپ ءجۇر. بۇكىل الەمدى شارلاپ ساياحات جاساپ، ينستاگرامداعى جازبالارى ارقىلى 9 مىڭ دوللارعا دەيىن تابىس تابادى.

دجەكتىڭ ايتۋىنشا، ول 2012 -جىلدان باستاپ بەلسەندى تۇردە ساياحاتتاي باستاعان. ونىڭ تۇراقتى ءۇيى بولماي، ۇنەمى ەلدەن ەلگە كوشىپ جۇرەدى. 2016 -جىلى فيدجيدە ول لورەنمەن تانىسقان.

 سول ۋاقىتتان بەرى ولار باليدە تۇرادى جانە جەر شارىنىڭ بارلىق نۇكتەسىنە ساياحات جاسايدى.

 قازىر دجەكتىڭ ينستاگرام پاراقشاسىندا 2, ال لورەندە 1,2 ميلليون جازىلۋشى بار.

«كوپ نارسەنى جوسپارلاماڭىز. ەگەر ءسىز ساياحات جاساعىڭىز كەلسە، وندا ريۋكزاكتى اسىنىپ شىعىپ كەتۋ كەرەك. تەك بارار بيلەتىڭىز، العاشقى ءتۇنى قوناتىن بولمەنى برونداڭىز. بارىنشا ادامدارمەن كوپ ارالاسۋعا تىرىسۋ كەرەك. «ءيا» دەگەن ءسوزدى ءجيى ايتىڭىز»، - دەيدى ولار. ولار قازىر جارنامادان كول- كوسىر پايدا تاۋىپ جاتىر.

ءتۇرلى برەندتەر ولاردىڭ پاراقشاسىندا سۋرەت جاريالانۋ ءۇشىن قانشا بولسا دا تولەۋگە دايىن. جانە ولاردىڭ بەلگىلەگەن باعاسى بويىنشا تەك 3 مىڭ دوللاردان جوعارى تولەنەتىن جارنامالار عانا جاريا ەتىلەدى. 

<" width="1" height="1" layout="responsive">

The highlight of my time with @conradhotels - waking up early to walk the Great Wall of China before the crowds! 🏰 Such a great end to the #Conrad135 #StayInspired experience, it's been an unforgettable 2 days @conradhotels135 #ad

Публикация от JACK MORRIS (@doyoutravel) Сен 29 2016 в 7:56 PDT