تاعى ءبىر قازاق بالاسى تيتۋلدىق جەكپە-جەگىندە قارسىلاسىن نوكاۋتپەن جەڭدى

استانا. قازاقپارات - ءبىرىنشى ورتا سالماق ساناتىنداعى قازاقستاندىق بوكسشى باتىر جۇكەمبايەۆ (8-0, 7 ك و) مونرەالداعى بوكس كەشىنىڭ باستى جەكپە-جەگىندە مەكسيكالىق كوسمە ريۆەرامەن (41-23-3, 28 ك و) كەزدەستى، دەپ جازدى Sports.kz.

ايقاس ون راۋندقا سوزىلۋى ءتيىس ەدى، الايدا، جەتىنشى راۋندتا تورەشى جەكپە-جەكتى توقتاتىپ، جەڭىستى قازاقستاندىققا بەردى.

وسىلايشا، جۇكەمبايەۆ IBO International دارەجەسىنە يە بولدى.

ءبىرىنشى ورتا سالماقتاعى دارەجە ءۇشىن جەكپە-جەك «مەتروپوليستەگى» بوكس كەشىنىڭ باستى وقيعاسى بولدى.

ودان بولەك، مونرەالداعى بوكس كەشىندە قازاقستاندىق ابىلايحان حۋساينوۆ (5-0, 4 ك و) مەكسيكالىق كريستيان ارراسولامەن (23-13-2, 16 ك و) كەزدەستى. ەكىنشى راۋندتا، ياعني 2 مينۋت 38 سەكۋندتا قازاقستاندىق حۋساينوۆ مەكسيكالىق ارراسولانى نوكاۋتقا ءتۇسىردى.