قازاقستانعا ۆيزا العىسى كەلەتىن قىتايلىق قانداستاردىڭ سانى كۇرت ارتتى
وعان سايكەس، ەكى ساعاتتا 15 مىڭعا جۋىق ادام ەكى ايدىڭ ۆيزا كەزەگىنە تۇرىپ ۇلگىرگەن، دەپ حابارلايدى قازاقپارات.
hazharas.com سايتىنىڭ حابارلاۋىنشا، ءار ەكى ايدىڭ ۆيزا كەزەگىن بەكىتەتىن «كەزەك» جۇيەسىنە 1 جۇمىس كۇنىندە 350 ادامنىڭ تىركەلۋىنە مۇمكىندىك بار. بۇگىن مامىر- ماۋسىم ايىنىڭ 42 جۇمىس كۇنىنە 14700 ادامعا ۆيزا كەزەگى بەرىلدى. 4 جانە 5 - ءساۋىر كۇنى «كەزەك» جۇيەسىنىڭ ۇيالى تەلەفونعا ارنالعان نۇسقاسى سىناقتان وتكىزىلدى. العاشقى كۇنى كەزەككە تۇرۋعا 7500 ادام ءوتىنىش ءبىلدىرىپ، تەك 350 ادام عانا كەزەككە تۇرعان. ال 6 -ءساۋىر «كەزەك» سايتى ءداستۇر بويىنشا ەكى ايدىڭ ۆيزا كەزەگى تۋرالى مالىمەتتى تاراتىپ، 14 مىڭ ادام ەكى ساعاتقا جەتپەي تىركەلىپ بولدى. بۇدان بولەك استاناداعى ەكسپو كورمەسىن تاماشالاۋعا نيەتتەنىپ وتىرعان تاعى قانشاما قانداستارىمىز ۆيزا كەزەگىنەن ورىن الا الماعان.
ايتا كەتەرلىگى، قىتايداعى قانداستارىمىزدىڭ قازاقستانعا ۆيزا راسىمدەۋدەگى قيىندىقتاردى جەڭىلدەتۋ ءۇشىن، ءۇرىمجى قالاسىنداعى ق ر س ءى م ءتولقۇجات- ۆيزا قىزمەتىنىڭ قولداۋىمەن ءۇرىمجى قالاسىنداعى قازاق جاستارى ينتەرنەتتىك سايت ارقىلى كەزەككە تىركەۋ جۇيەسىن 2015 -جىلى ناۋرىز ايىنان باستاپ ىسكە قوسقان. وسىدان كەيىن ءتولقۇجات- ۆيزا قىزمەتى ەسىگى الدىنداعى ۇزىننان ۇزاققا سوزىلعان كەزەك ازايعان.
اۆتور: مۇحتار قاليموللا ۇلى