قازاقتىڭ قوس بوكسشىسى دا سالماق ولشەۋ راسىمىنەن ءساتتى ءوتتى

استانا. قازاقپارات - بۇگىن مونرەالدا قازاقتىڭ قوس بوكسشىسى باتىر جۇكەمبايەۆ پەن ابىلايحان قۇسايىنوۆ سالماق ولشەۋ راسىمىنەن ءوتتى، دەپ حابارلايدى قازاقپارات ءتىلشىسى.

باتىر جۇكەمبايەۆ (8-0, 7 ك و) IBO International تيتۋلى ءۇشىن مەكسيكالىق كوسمە ريۆەرامەن (41-23-3, 28 ك و) كۇش سىناسادى.

ال ابىلايحان قۇسايىنوۆ (5-0, 4 ك و) 6 راۋندتىق كەزدەسۋدە 30 جاستاعى مەكسيكالىق كريستيان اررازولامەن (23-13-2, 16 كو) جۇدىرىقتاسپاق.

بۇل جەكپە-جەگىندە باتىر جۇكەمبايەۆ 10 راۋند ايقاسسا، ابىلايحان قۇسايىنوۆ 6 راۋندتىق كەزدەسۋ وتكىزەدى. بۇل تۋرالى وسىعان دەيىن حابارلاعان بولاتىنبىز.

ەستەرىڭىزگە سالا كەتەيىك، وسىعان دەيىن قوس بوكسشىمىز 28- قاڭتار كۇنى جەكپە-جەك وتكىزىپ، ەكەۋى دە قارسىلاستارىن تەحنيكالىق نوكاۋتپەن ۇتقان ەدى.

اۆتور: كۇنسۇلتان وتارباي