رەسەيدەگى لاڭكەستىك كەزىندە قازا تاپقان قازاقستاندىقتىڭ تۋىستارى وتەماقى الادى

استانا. قازاقپارات - سانكت-پەتەربۋرگ مەتروپوليتەنىندە لاڭكەستىكتىڭ سالدارىنان قازا تاپقان قازاقستاندىق ماكسيم ارىشيەۆتىڭ تۋىستارى رەسەي بيلىگىنەن اقشالاي وتەماقى الادى، بۇل تۋرالى ر ف- داعى ق ر ەلشىلىگىنە سىلتەمە جاساپ «قازاقپارات» حابارلادى.

قازىرگى ۋاقىتتا ر ف- داعى قازاقستان ەلشىلىگى مەن سانكت-پەتەربۋرگتەگى قازاقستان باس كونسۋلدىعىنىڭ جاردەمىمەن ءتيىستى قۇجاتتار راسىمدەلۋدە، دەلىنگەن حابارلامادا.

تولەم 1 ميلليون رۋبل. قازا تاپقان قازاقستاندىقتىڭ تۋىستارى دا فەدەرالدىق ۇكىمەتتەن سونشا قاراجات الادى.

كەشە، 5- ساۋىردە، ماسكەۋ ۋاقىتى بويىنشا ساعات 20:00 دە ماكسيم ارىشيەۆتىڭ دوستارى مەن تانىستارى سەننايا الاڭىندا ونى ەسكە الۋدى جوسپارلاۋدا.

ونىڭ مۇردەسى الماتىعا جۇما كۇنى تاڭەرتەڭ جەتكىزىلەدى. «Air Astana» اۆياكومپانياسى ونى تاسىمالداۋ شىعىنى مەن تۋىستارىنىڭ بيلەت تولەمىن ءوزى كوتەرەدى.