شەنەۋنىكتەر ەلوردانىڭ قوناق ۇيلەرىنەن ورىن الا الماعاندىقتارىنا شاعىمداندى
مۇنداي پىكىردى بۇگىن استانا اكىمدىگىندە وتكەن تۋريستىك جانە قوناق ءۇي بيزنەسى سالاسىنداعى قىزمەتتەردى رەتتەۋ ماسەلەسىن قوزعاعان وڭىرلىك شتاب وتىرىسىندا ق ر مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ باسقارما باسشىسى جالعاس بالعوجين ءبىلدىردى،
دەپ حابارلايدى قازاقپارات.
ونىڭ اتاپ وتۋىنشە، مۇنداي جايت ەلوردالىق قوناق ۇيلەردىڭ ءوز بولمەلەرىنىڭ باعاسىن ناقتى بەكىتىپ، جاريا ەتپەۋىنەن ورىن الۋدا.
«تۋريستىك كومپانيالار تاراپىنان قوناق ۇيلەرگە نارازىلىق كوبەيىپ تۇر. ويتكەنى، ەكسپو كورمەسى كەزىندە قوناق ۇيدەن الدىن الا نومىرگە تاپسىرىس بەرۋ ءىس جۇزىندە مۇمكىن ەمەس. ياعني، شىلدە، تامىز، قىركۇيەك ايلارىندا. سەبەبى سىزدەر باعالارىڭىزدى ۇسىنبايسىزدار، ولاردى ناقتى بەكىتپەيسىزدەر ءارى ونى اۋىستىرا باستايسىزدار»، - دەدى ول.
كوميتەت باسشىسىنىڭ ايتۋىنشا، ەلوردالىق قوناق ۇيلەردىڭ بارلىعى دا ءدال وسى جولدا دەپ ايتۋعا بولمايدى. دەگەنمەن، وندايلاردىڭ كەزدەسىپ جاتقاندىعى شىندىق.
«ءبىز نومىرلەردى ءتيىمدى ساتۋ ءۇشىن قازىردەن باستاپ سوناۋ قىركۇيەك ايىنىڭ سوڭىنا دەيىنگى باعالاردى بۇگىننەن باستاپ جاريا ەتۋىمىز قاجەت»، - دەدى بالعوجين.
سونىمەن قاتار ول ءوز سوزىندە ەلوردانىڭ ءاربىر قوناق ءۇيى ساياسات بيۋروسىن ۇيىمداستىرۋى تيىستىگىن باسا ايتتى.
اۆتور: مارلان جيەمباي