تاجىكستان رەسەي اۋە كومپانيالارىنىڭ ۇشۋىنا تىيىم سالاتىنىن ەسكەرتتى
تاجىكستاننىڭ ترانسپورت ءمينيسترى يلحوم توحيروۆتىڭ ازاتتىققا مالىمدەۋىنشە، مينيسترلىك رەسەيدىڭ ترانسپورت مينيسترلىگىنە نوتا جولداعان. وندا ەگەر رەسەي ۇكىمەتى 31 - ناۋرىزداعى شەشىمىن جويماسا دۋشانبەنىڭ «ۋرالسكيە اۆياليني» جانە UTair كومپانيالارىنىڭ دۋشانبە مەن حۋدجاندقا ۇشۋىنا تىيىم سالاتىنى ايتىلعان.
31 - ناۋرىزدا رەسەي بيلىگى Somon Air كومپانياسىنىڭ دۋشانبە مەن حۋدجاندتان ماسكەۋگە ۇشۋىنا تىيىم سالىپ، ول 3 - ساۋىردە كۇشىنە ەنگەن. رەسەي ترانسپورت مينيسترلىگى بۇل تىيىم تاجىكستاننىڭ رەسەيدىڭ جۋكوۆسكي اۋەجايىنان ۇشاقتاردى قابىلداۋدان باس تارتۋىنا جاۋاپ رەتىندە سالىنعانىن ايتادى. جۋكوۆسكي اۋەجايى 2016 -جىلى مامىردا اشىلعان. دۋشانبە جۋكوۆسكيدىڭ ماسكەۋدەگى ءتورتىنشى اۋەجاي ەكەنىن جانە ونىڭ ماسكەۋدەن تاجىكستانعا ۇشاتىن رەيستەردىڭ كۇرت ارتۋىنا سەبەپ بولعانىن ايتادى. ءبىراق رەسەي بيلىگى جۋكوۆسكيدىڭ ماسكەۋ اۋەجايى ەمەسىن، سەبەبى ول شارتتى تۇردە ماسكەۋ وبلىسى رامەنسكوە قالاسىنىڭ يۋريسديكسياسىندا تۇرعانىن ايتادى.
http://www.azattyq.org