قازاقستاننىڭ ونىمدەرى ءىرى پارتيامەن شەتەلگە جىبەرىلەدى
ءوز سوزىندە ۆيتسە-مينيستر كووپەراتيۆتەردى كوپتەپ قۇرۋ، مايلى داقىلدار القاپتارىن كەڭەيتۋ، اگروحيميا مەن تىڭايتقىشتار سالاسىن دامىتۋ جايىندا ايتا كەلە، الداعى ۋاقىتتا مەملەكەتتىك سۋبسيديالاردى الاتىنداردىڭ كوبەيەتىنىن جەتكىزدى. سونداي-اق ول قازىردىڭ وزىندە اۋىل شارۋاشىلىعى ءونىم وندىرۋشىلەرى ءۇشىن نەسيە ستاۆكاسىنىڭ تومەندەتىلگەنىن تاعى ءبىر مارتە ەسكە سالدى.
«ال قازاقستاننىڭ ەكسپورتتىق الەۋەتىن ءوسىرۋ ءۇشىن ازىق-تۇلىك كەلىسىم-شارت كورپوراتسياسى نەگىزىندە ەكسپورت ورتالىعى قۇرىلىپ جاتىر. اتالعان قۇرىلىم اۋىل شارۋاشىلىعى ونىمدەرىن شەتەلگە شىعارۋمەن اينالىسادى. وسى ورايدا ورتالىق ماماندارى ەكسپورتتىق ارنالاردى انىقتاپ، ءونىمدى وتكىزۋدىڭ ناقتى نارىقتارىن بەلگىلەيتىن بولادى. بۇدان بولەك، كاسىپكەرلەرگە كونسۋلتاتسيا بەرىلەدى جانە كەلىسىمدەرگە قۇقىقتىق قولداۋ جاسالادى. الداعى شارالار بۇنىمەن شەكتەلمەيدى. ءونىم وندىرۋشىلەردىڭ تاۋارلارى كوپتەپ ساتىپ الىنىپ، ءىرى ەكسپورتتىق پارتيالار جاساقتالادى»، - دەيدى يسايەۆا.
سونداي-اق ۆيتسە-مينيستر ينۆەستورلاردىڭ قۇقىقتارىن قورعالاتىنىن، سالىق جاعىنان سان الۋان جەڭىلدىكتەر مەن پرەفەرەنسيالاردىڭ بەرىلەتىنىن جەتكىزدى. ال ق ر پرەمەر-ءمينيسترىنىڭ ورىنباسارى - اۋىل شارۋاشىلىعى ءمينيسترى اسقار مىرزاحمەتوۆ ديپلوماتتاردىڭ بارلىق سۇراقتارىنا جاۋاپ بەرىپ، قازاقستاننىڭ اۋىل شارۋاشىلىعى سالاسىندا كاسىپكەرلىك ءۇشىن جاسالاتىن ءتيىمدى جاعدايلار جايىندا شەتەلدىڭ بيزنەسمەندەرىنە كەڭىنەن جەتكىزۋدى سۇرادى.
ايتا كەتەيىك، كەزدەسۋدى اشقان ق ر سىرتقى ىستەر ءمينيسترى قايرات ءابدىراحمانوۆ تۇركىمەنستان پرەزيدەنتىنىڭ قازاقستانعا مەملەكەتتىك ساپارمەن كەلەتىنىن مالىمدەدى.