الەمدەگى ەڭ قىمبات قىزعىلت ءتۇستى گاۋھار رەكوردتىق باعاعا ساتىلدى

استانا. قازاقپارات - Sotheby's ءباسساۋدا ءۇيى «قىزعىلت جۇلدىز» اتتى الەمگە ايگىلى گاۋھار تاستى رەكوردتىق باعاعا ساتتى.

اسىل تاس نەبارى 5 مينۋتتىڭ ىشىندە يەسىن تاپقان. سالماعى 59,6 كارات بولاتىن «قىزعىلت جۇلدىز» - تاريحتا ساۋداعا تۇسكەن ەڭ ۇلكەن قىزعىلت ءتۇستى گاۋھار. ونى گونكونگتىق Chow Tai Fook Jewellery فيرماسى 71,2 ميلليون دوللارعا ساتىپ الدى.

اسىل تاستىڭ ءباسساۋداداعى العاشقى باعاسى بۇل باعادان 15 ميلليونعا تومەن بولعان. بۇعان دەيىنگى رەكوردتىق باعا «كوگىلدىك وپپەنگەيمەر» دەپ اتالاتىن گاۋھار تاسقا تيەسىلى بولعان. وتكەن جىلدىڭ مامىرىندا ول 50 ميلليون دوللارعا ساتىلعان ەدى. وڭدەلمەي تۇرعان كەزىندە «قىزعىلت جۇلدىزدىڭ» سالماعى 132,5 كارات بولعان. اسىل تاس 1999 -جىلى و ا ر- داعى De Beers اتتى كەن ورنىنان تابىلعان.

اۆتور: ەربول جانات