ەۋروپالىق ماتەماتيكا قوعامى قازاقستاندىقتىڭ ەڭ قيىن ەسەپتى شەشكەنىن جوققا شىعاردى
11:31, 05 - ءساۋىر 2017
استانا. قازاقپارات - ەۋروپالىق ماتەماتيكالىق قوعام پرەزيدەنتى پاۆەل ەكسنەر قازاقستاندىق اقىلبەك كوپجاساروۆ الەمدەگى ەڭ قيىن ەسەپتىڭ ءبىرىن شىعاردى دەگەن اقپاراتتى جوققا شىعاردى.
بۇل تۋرالى «قازاقپارات» ح ا ا ساۋالىنا بەرگەن جاۋابىندا حابارلادى. «فيلدسوۆ سىيلىعى كوميتەتىنىڭ اتىنان شىعىپ تۇرعان جوقپىن، ءبىراق كەز كەلگەن جۇمىس ستاندارتتى ساراپتامالىق شولۋدان ءوتۋى ءتيىس. بۇل ادام وتىرىكشى مە الدە ازىلدەدى مە، بىلمەيمىن. ەگەر كىمدە-كىم ناتيجەنى ەۋروپالىق ماتەماتيكالىق قوعام راستادى دەسە - بۇل جالعان»، - دەدى پاۆەل ەكسنەر.
ەسكە سالساق، قازاقستاندىق ب ا ق اتىراۋدان 20 جاستاعى اقىلبەك كوپجاساروۆ الەمنىڭ ەڭ كۇردەلى ەسەپتەرىنىڭ ءبىرى - بۇرىش ۇشسەكسياسى ەسەبىن شىعارعانى تۋرالى اقپارات جاريالاعان.
ونى فيلدسوۆ سىيلىعى كوميتەتى مەن ەۋروپالىق ماتەماتيكالىق قوعامى راستادى دەگەن بولاتىن.