سوندەرس گولوۆكيننىڭ نامىسىنا ءتيۋدىڭ جاڭا جولىن تاپتى
07:30, 04 - ءساۋىر 2017
استانا. قازاقپارات - بريتاندىق بوكسشى بيللي دجو سوندەرس (24-0, 12 ك و) قازاقستاندىق گەننادي گولوۆكيندى ارانداتۋىن جالعاستىرۋدا، دەپ حابارلايدى «قازاقپارات».
بريتاندىق بوكسشى بۇل جولى «GGG - قورقاق بورات. سوندەرسپەن بىرلەستىرۋشى ايقاس جاسا!» دەگەن جازۋى بار فوتبولكا كيىپ، سۋرەتكە تۇسكەن.
«كەزدەيسوق جىگىتتەن - كەرەمەت سىيلىق»، - دەپ جازدى سۋرەتتىڭ استىنا سوندەرس.
ەسكە سالا كەتەيىك، بوكسشىلاردىڭ پروموۋتەرلەرى توم لەففلەر مەن فرەنك ۋوررەن ايقاستى ۇيىمداستىرۋ تۋرالى كەلىسسوزدەر جاساسۋدا. كەلىسىمشارتقا وسى اپتادا قول قويىلۋى مۇمكىن.