ديماش قىتايداعى جەتىم بالالارعا كومەكتەستى

استانا. قازاقپارات - ديماش قۇدايبەرگەن كەشە قىتايدىڭ تيانجين قالاسىنداعى «SOS» بالالار ءۇيىنىڭ تاربيەلەنۋشىلەرىنە كومەك جاسادى، دەپ حابارلايدى قازاقپارات.

hazharas.com سايتىنىڭ مالىمەتىنشە، ديماش تاعدىردىڭ تاۋقىمەتىن تارتقان جەتىم بالالارعا قاعاز- قالام، كورپە- جاستىق سەكىلدى ءار ءتۇرلى تۇرمىستىق بۇيىمدار تارتۋ ەتكەن.

«وسىنداي جەتىم بالالارعا كومەك قولىن سوزۋ - قوعامنىڭ بورىشى، بۇدان كەيىن دە جەتكىنشەكتەردىڭ اقاۋسىز ءوسىپ جەتىلۋى ءۇشىن ءوز كومەگىمدى جاساپ وتىرامىن» ، - دەيدى ديماش قۇدايبەرگەن.

بالالار ءۇيىنىڭ باسشىلىعى ديماشتىڭ كەڭپەيىلدىلىگىنە ريزاشىلىعىن ءبىلدىرىپ، ارنايى العىس حات تاپسىرعان.

 ايتا كەتەيىك، تيانجيندەگى بۇل بالالار ءۇيى - «SOS» حالىقارالىق بالالار ءۇيىنىڭ قىتايداعى ەڭ ۇلكەن بولىمشەسى. وندا 132 جەتىم بالا تۇرادى.

 

اۆتور: ريزابەك نۇسىپبەك ۇلى