قازاقستاندىق جاس دومبىراشىلار تۇركياداعى ايگىلى مەشىتتىڭ جانىندا كۇي تارتتى - ۆيدەو
الەۋمەتتىك شىعارماشىلىق ورتالىقتىڭ جەتەكشىسى ايبەك ەسىموۆتىڭ جازۋىنشا، الماتىلىق بالالار تۇركياداعى حالىقارالىق شىعارماشىلىق فەستيۆالىنە شاقىرتۋ العان. كونكۋرسقا بارار جولدا ولار ىستانبۇلدا توقتايدى. قالانى ارالاۋ كەزىندە بالالار ايگىلى سۇلتاناحمەت مەشىتىنىڭ جانىندا كۇي ورىنداعان.
«بالالار ءۇيىنىڭ تۇلەكتەرى الەمدەگى ەڭ تانىمال مەشىتتەردىڭ ءبىرىنىڭ جانىندا قازاق كۇيىن ورىندادى. جارىسقا بارار جولدا ءبىز بالالارعا ەجەلگى وسمان يمپەرياسىنىڭ استاناسىن كورسەتىپ، ارالاتتىق. بالالار قالانىڭ اسەمدىگى مەن تاريحىنا، ارحيتەكتۋراسىنا تاڭداي قاقتى» - دەپ جازادى ەسىموۆ فەيسبۋكتەگى پاراقشاسىندا.
«مەن ءوز بالالارىمدى ۇنەمى ءوز ەلىمەن ماقتانۋعا، پاتريوت بولۋعا، قازاقستاننىڭ تۋىن تاعىپ جۇرۋگە شاقىرامىن. قازاق كۇيلەرىن ءبىز بارلىق جەردە، اۋەجايدا دا، قوناقۇيدە دە، ساياباقتا تا ورىندادىق. ءبىز شەتەلدىكتەردى قازاعىمىزدىڭ باي مادەنيەتىمەن تانىستىرعىمىز كەلەدى»، - دەدى ايبەك.