وڭتۇستىك كورەيانىڭ جۇك كەمەسى جوعالىپ كەتتى

استانا. قازاقپارات - وڭتۇستىك كورەيانىڭ "ستەللار دەيزي" اتتى الىپ جۇك كەمەسى وڭتۇستىك اتلانتيكادا جوعالىپ كەتتى.

كەمە بورتىندا 24 تەڭىزشى بولعان، دەپ جازادى بي- بي- سي. فرانس- پرەسس اگەنتتىگىنىڭ حابارلاۋىنشا، قۇتقارۋ سالىندا 2 ادام ءتىرى تابىلعان. وتكەن جۇما كۇنى ەكيپاج مۇشەسى جۇك كەمەسىنە سۋ كىرىپ، كەمە قيسايىپ بارا جاتقانىن حابارلاعان. رەنحاپتىڭ حابارلاۋىنشا، ەكى فيليپپيندىك تەڭىزشىنى قۇتقارۋ ىسىنە ەرىكتى تۇردە ارالاسقان ساۋدا كەمەسى تاپقان. «22 ادامدى ىزدەۋ جۇمىستارى جالعاسىپ جاتىر»، - دەلىنگەن وڭتۇستىك كورەيانىڭ س ءى م وكىلى رەيتەر اگەنتتىگىنە بەرگەن مالىمەتىندە.

ودان بولەك وڭتۇستىك كورەيا برازيليا مەن ۋرۋگۆاي مەملەكەتىنەن كومەك سۇراپ وتىر.