ءبىرىنشى ساۋىر كۇنى ورىنسىز قالجىڭداعان ايەل التى جىلعا سوتتالىپ كەتۋى مۇمكىن

استانا. قازاقپارات - باتىس قازاقستان وبلىسىندا كۇيەۋىنىڭ پويىزدا كەپىلگە الىنعانى تۋرالى قالجىڭداعان ايەل سوتتالىپ كەتۋى مۇمكىن دەپ حابارلايدى «موي گورود» پورتالى.

وبلىستىق جەدەل شتابتىڭ ب ا ق- پەن بايلانىس جونىندەگى توبى حابارلاعانداي، 1- ءساۋىر كۇنى پوليتسياعا ايەل ادام حابارلاسىپ، كۇيەۋىنىڭ پويىزدا كەپىلگە ۇستالىپ وتىرعانىن حابارلاعان.

شامالى ۋاقىتتان كەيىن ايەل 102 نومىرىنە قايتا حابارلاسىپ، كەپىلدە ۇستاۋ تۋرالى اقپاراتتىڭ شىندىققا جاناسپايتىنىن، ءجاي عانا قالجىڭداماق بولعانىن ايتقان.

«ايەلدىڭ جەكە باسى انىقتالدى. ءازىلقوي باتىس قازاقستان وبلىسىنىڭ 30 جاستاعى تۇرعىنى بولىپ شىقتى. قازىرگى ۋاقىتتا بۇل دەرەك بويىنشا تەرگەۋ شارالارى جۇرگىزىلىپ جاتىر»، - دەپ حابارلادى جەدەل شتابتا.

وعان قاتىستى قىلمىستىق كودەكستىڭ 273-بابى «تەرروريزم اكتىسى تۋرالى جالعان كورنەۋ حابارلاۋ» بويىنشا سوتقا دەيىنگى تەرگەۋ باستالعان.

بۇل قىلمىسقا التى جىلعا دەيىن باس بوستاندىعىنان ايىرۋ جازاسى قاراستىرىلعان.