قانات يسلام رينگ تورىندە كىشكەنتاي بالاقايدىڭ تۇساۋىن كەستى - فوتو
قازاقستاندىق قوس كاسىپقوي بوكسشىنىڭ اشىق جاتتىعۋىن كورۋگە كەلگەندەردىڭ قاراسى كوپ بولدى. شارشى الاڭعا شىققان بوكسشىلار وزدەرىنىڭ سۇيىكتى ۇرىس تاسىلدەرىن كورسەتىپ، بالالارعا ءبىراز بوكس الىپپەسىن ۇيرەتتى. جۋرناليستەردىڭ ساۋالدارىنا جاۋاپ بەرىپ، جانكۇيەرلەرىمەن سۋرەتكە ءتۇسىپ بولعاننان كەيىن قانات يسلام كىشكەنتاي ءبۇلدىرشىننىڭ تۇساۋىن كەستى.
تۇساۋ كەسۋ ءراسىمى تۋرا رينگ تورىندە وتكىزىلدى.
ەرجان ەسىمدى جىگىت اعاسى ۇلىنىڭ قاناتتى جاقسى كورەتىنىن، سول سەكىلدى بوكسشى بولعىسى كەلەتىنىن ايتادى.
سول سەبەپتى ىرىمداپ وسى ءبىر قازاقشا ءداستۇردى جۇزەگە اسىرعىسى كەلىپتى. كىشكەنتاي ديماش كەلەشەكتە بىلعارى قولعاپ كيىپ، ەل نامىسىن قورعاسام دەيدى.
"بالالارعا بوكس ۇيرەتۋ، ولاردىڭ كوزدەرىنەن سپورتقا دەگەن ۇمتىلىستى بايقاۋ ەرەكشە قۋانىش سىيلايدى"، - دەيدى قانات يسلام. ەسكە سالساق، بوكسشى بيىلعى جىلى ەكسپو كورمەسى اياسىندا استانا قالاسىندا 9- قىركۇيەك كۇنى جەكپە- جەك وتكىزەدى.
Stan.kz