جامبىل وبلىسىندا لاڭكەستىككە قارسى وقۋ- جاتتىعۋ ءوتتى
ارتىنشا «وڭتۇستىك» وڭىرلىك قولباسشىلىعىنىڭ موتواتقىشتار، ينجەنەرلىك- ساپەرلىك، ارتيللەريالىق، بارلاۋ جانە تانك بولىمشەلەرى، دەسانتتى- شابۋىلداۋشى باتالونى دەرەۋ جۇمىلدىرىلىپ، لاڭكەستەرگە سوققى بەردى.
ءتۇرلى تاكتيكالىق ءادىس- تاسىلگە الما- كەزەك اۋىسۋدىڭ ارقاسىندا جاعدايدى ۋشىقتىرماي لاڭكەستەردىڭ كوزىن جويىپ، تۇتقىنداردى قۇتقاردى. بۇل ءماتىبۇلاق اسكەري پوليگونىنداعى بريگادالىق وقۋ- جاتتىعۋ بولاتىن. بىرنەشە كەزەڭنەن تۇراتىن تاكتيكالىق دايىندىققا جۇزدەگەن اسكەري تەحنيكا جەتكىزىلدى.
مۇرات ءجۇسىپوۆ، «وڭتۇستىك» وڭىرلىك قولباسشىلىعىنىڭ ينجەنەرلىك اسكەرلەرىنىڭ باسشىسى:
- جوسپار بويىنشا ءوز ۋاقىتىندا الدىنا قويعان نىساندار جويىلىپ جاتىر. بۇل جەردە تانك ەكيپاجدارىنىڭ وتە قيىن تاسىلدەرى - فلانگتىك وق دەپ اتالادى. ول بۇرىنعى تاسىلدەرىندە ورنىندا تۇرىپ، شابۋىلعا قوسىلسا، قازىر ءجۇرىپ اتۋ ءتاسىلىن قولدانىپ جاتىر.
www.24.kz