مەيۆەزەردىڭ قازاقستانعا كەلۋ ماسەلەسى اشىق كۇيىندە قالىپ وتىر
15:47, 31 - ناۋرىز 2017
استانا. قازاقپارات - قازاقستان كاسىپقوي بوكس فەدەراتسياسىنىڭ پرەزيدەنتى ەرلان بەكحوجين Sports.kz سايتىنا تانىمال امەريكالىق بوكسشى فلويد مەيۆەزەردىڭ قازاقستانعا كەلۋ مۇمكىندىگى جايلى پىكىر ءبىدىردى.
«WBC باسشىلىعى بىزگە وسى جازدا استاناعا كەلە الاتىن بوكسشىلاردىڭ ۇلكەن ءتىزىمىن بەردى. ونىڭ ىشىندە اڭىزعا اينالعان مەنني پاكياو، كىشى فلويد مەيۆەزەر، روبەرتو ديۋران، شۋگار رەي لەونارد، مايك تايسون، لەننوكس ليۋيس، ەۆاندەر حوليفيلد جانە وزگە دە تانىمال بوكسشىلاردىڭ ەسىمى بار. ءبىراق، WBC وكىلدەرى ءار چەمپيونمەن جەكە سويلەسەتىندەرىن، ولاردىڭ جاعدايى مەن ساپار كەستەسىن ەسكەرەتىندەرىن اتاپ ءوتتى»، - دەدى بەكحوجين.
ونىڭ ايتۋىنشا، مەنني پاكياو نەمەسە فلويد مەيۆەزەردىڭ اتتارى اتالسا، دەمەك ولار كەلە الادى. «بۇل ەندى ولارمەن ەگجەي- تەگجەيلى سويلەسەتىن WBC باسشىلىعىنىڭ جۇمىسى جانە بۇكىلالەمدىك بوكس كەڭەسىنىڭ كونۆەنتسياسى جۇمىسىنىڭ باسىندا قازاقستانعا قانداي بوكس جۇلدىزدارىنىڭ كەلەتىنى بىزگە ناقتى تۇسىنىكتى بولادى»، - دەپ اتاپ ءوتتى بەكحوجين.