باتالوۆ اۋدان اكىمىنە: جاعداي قايتالانسا ءوزىڭ كۇزەتشى بولاسىڭ - كەسكىن

تالدىقورعان. قازاقپارات - الماتى وبلىسىندا اۋدان اكىمى كۇزەتشى بولۋى مۇمكىن. بۇگىن اماندىق باتالوۆ اقسۋ اۋدانىنىڭ اكىمىنە وسىنداي ەسكەرتۋ جاسادى، دەپ حابارلايدى قازاقپارات ءتىلشىسى.

سەبەبى، «اقسۋ قانت زاۋىتىن» ۇرىلار توناپ جاتىر. ال اتالعان نىساندا كۇزەتشى قويىلماعانعا ۇقسايدى.

«ماعان زاۋىتتىڭ زاتتارىن ۇرلاپ جاتىر دەدى. نەگە كۇزەت قويمايسىڭ؟ سول جەردە ءجۇرىپ نەگە باقىلامايسىڭ؟! ەگەر وسىنداي جاعداي قايتالاناتىن بولسا، ءوزىڭ سول جەردە كۇزەتشى بولاسىڭ»، - دەدى اماندىق باتالوۆ.

ءوڭىر باسشىسىنىڭ قاتاڭ سىنىنا ۇشىراعان ادىلبەك دالباعايەۆ اتالعان زاۋىتتا كۇزەتشى بار ەكەنىن ايتىپ اقتالدى. بۇل اقسۋ اۋدانىنىڭ اكىمىنە ايتىلىپ وتىرعان العاشقى سىن ەمەس. ءوڭىر باسشىسىنىڭ ەسكەرتۋىنە ءجيى ۇشىرايتىن اكىمدەردىڭ اراسىندا ادىلبەك دالباعايەۆ كوش باستاپ تۇر.

ايتا كەتۋ كەرەك، بىرنەشە جىل بويى توقتاپ تۇرعان «اقسۋ» قانت زاۋىتىن ىسكە قوسۋ جۇمىستارى جۇرگىزىلىپ جاتىر. اتالعان نىسان بيىل العاشقى ءونىمىن قابىلداۋدى جوسپارلاپ وتىر.