عىلىمي ماجىلىسكە 40 تان استام وتاندىق جانە شەتەل عالىمدارى قاتىسادى. بارلىعى ورتاعاسىرلىق سارايشىق قالاشىعىن ساقتاپ قالۋ بويىنشا شارالار مەن عىلىمي زەرتتەۋلەردىڭ قورىتىندىسىن تالقىعا سالماق. كونفەرەنسيانىڭ نەگىزگى ماقساتى - قالاشىقتى قالپىنا كەلتىرۋ مەن بۇزىلۋدان ساقتاۋ ماسەلەلەرىنە جوعارى بىلىكتى شەتەلدىك جانە وتاندىق عالىمداردىڭ نازارىن اۋدارۋ. سەبەبى بۇگىنگى تاڭدا تابيعي- كليماتتىق جانە انتروپوگەندىك فاكتورلاردىڭ اسەرىنەن سارايشىق قالاشىعىنىڭ جاعدايى مينيسترلىكتىڭ، اكىمدىكتىڭ، قوعام مەن عالىمداردىڭ الاڭداۋشىلىعىن تۋعىزۋدا.
«عىلىمي كونفەرەنسياعا ق ر مادەنيەت جانە سپورت ءمينيسترى ا. مۇحامەدي ۇلى، ق ر پارلامەنتىنىڭ دەپۋتاتتارى، تاريح عىلىمدارىنىڭ دوكتورلارى، بەلگىلى ارحەولوگتار ز. ساماشيەۆ، ك. بايپاقوۆ، ج. تايماعامبەتوۆ، ب. كومەكوۆ، فيلوسوفيا عىلىمدارىنىڭ دوكتورى، پروفەسسور، ق ر ۇ ع ا اكادەميگى ع. ەسىم، ا. باقتىگەرەيەۆا، م. قۇلكەنوۆ، ق. جىلقىشيەۆ ءتارىزدى قوعام جانە مادەنيەت قايراتكەرلەرى، جاقىن جانە الىس شەتەل عالىمدارى، قوعامدىق ۇيىمداردىڭ، مەملەكەتتىك مەكەمەلەردىڭ وكىلدەرى، جوعارى وقۋ ورىندارىنىڭ ستۋدەنتتەرى جانە ب ا ق قاتىسادى. سونىمەن قاتار، كونفەرەنسيا اياسىندا سارايشىق قالاشىعى تاريحىنا ارنالعان كورمە ۇيىمداستىرىلادى. كورمەگە ەجەلگى قالاعا قاتىستى كوپتەگەن قۇندى ارحەولوگيالىق بۇيىمدار، كارتينالار جانە تاعى باسقا زاتتار قويىلادى»، - دەلىنگەن رەسمي حابارلامادا.
اۆتور: ارمان اسقاروۆ