تۇركيانىڭ ەڭ ءىرى تەلەارناسىنداعى تەلەحيكايا قازاقشا انمەن باستالاتىن بولدى

استانا. قازاقپارات - تۇركيانىڭ ەڭ ءىرى تەلەارناسىنداعى تەلەحيكايا قازاقشا انمەن باستالاتىن بولدى.

تۇركياداعى ەڭ ءىرى تەلەارنالاردىڭ ءبىرى سانالاتىن Kanal D ارناسىندا 27 -ناۋرىزدان باستاپ «ەسىمسىزدەر» اتتى تەلەحيكايا كورسەتىلۋدە دەپ جازادى SkifNews اقپاراتتىق پورتالى.

تەلەسەريال قازاقتىڭ «تۇران» ەتنو- فولكلورلىق ءانسامبلى ورىندايتىن «ەر تۇران» انىمەن باستالادى.

قازاقستاندىق وسىناۋ ونەر توبى تۇركيادا كوپ تانىمال بولماسا دا، ولاردىڭ شىعارمالارى كوگىلدىر ەكران ارقىلى تۇڭعىش رەت Kanal D ارناسىنىڭ ميلليونداعان كورەرمەنىنە جول تارتتى.

ايتا كەتەيىك، Barakuda مەن Es Film كينوكومپانيالارى تۇسىرگەن تەلەحيكاياعا تۇركياداعى تەررور وقيعالارى ارقاۋ بولىپ وتىر.