تانىمال قازاقستاندىق ءانشى وزگە ۇلتتىڭ قىزىمەن وتاۋ قۇرماق

استانا. قازاقپارات - تانىمال ءانشى كەنتال بيىل وتاۋ قۇرماق. ول ءوزىنىڭ وتىز جاسقا تولۋ مەرەيتويى كەزىندە جالپاق جۇرتقا ءوزىنىڭ سۇيىكتىسىن كورسەتتى دەپ حابارلايدى NUR. KZ.

بۇل تۋرالى «ن ت ك» ارناسىنىڭ «ريەۆيۋ» باعدارلاماسىندا ايتىلدى.

تۋعان كۇن تويلاعاندى ۇناتپايتىن تالعاتتىڭ بيىلعى مەنشىكتى مەرەكەسىن دوستارى جاساپ بەرگەن. وردا بۇزار وتىزعا قادام باسقان سەرى جايىلعان اق داستارحاندى كورىپ ءوزى اڭ-تاڭ.

«بۇگىن دوستارىم، 30 عا كەلدىڭ، ءوزىمىز وتىرىپ شاي ىشەيىك دەدى. كەلسەم ماعان وسىنداي توسىن سىي جاساپ، جاقىندارىم، دوستارىم سىيلادى وسى كۇندى»، - دەيدى ول.

كەنتال بۇل كەشكە جالعىز كەلمەگەن. تالعاتتىڭ تاڭداۋى لۋنا ەسىمدى ورىس قىزىنا ءتۇسىپتى.

«جاس قىز، 24-25 تە. ول ەندى جەكە ءومىرىم. ونى ەشكىمگە ايتپاي-اق قويايىن. قۇپيا بولسىن»، - دەگەن ول قالىڭدىعى تۋرالى ارتىق اقپاراتپەن بولىسكىسى كەلمەدى.