قازاقستان اۋىل شارۋاشىلىعى ءمينيسترى بەيجىڭگە بارادى
17:13, 29 - ناۋرىز 2017
بەيجىڭ. قازاقپارات - 2017 -جىلعى 31 ناۋرىزدان باستاپ 1- ءساۋىر ارالىعىندا ق ر پرەمەر-ءمينيسترىنىڭ ورىنباسارى - اۋىل شارۋاشىلىعى ءمينيسترى اسقار مىرزاحمەتوۆتىڭ باسشىلىعىمەن قازاقستاندىق دەلەگاتسيا بەيجىڭدە ءبىرقاتار ماڭىزدى كەزدەسۋلەر وتكىزەدى، دەپ حابارلادى قىتايداعى «قازاقپارات» ح ا ا مەنشىكتى ءتىلشىسى.
دەلەگاتسيا قۇرامىنا ا ش م وكىلدەرى، سالالىق وڭىرلىك باسقارمالار، «قازاگرو» ۇلتتىق حولدينگى جانە ونىڭ ەنشىلەس ۇيمدارىنىڭ وكىلدەرى، اۋىل شارۋاشىلىعى قاۋىمداستىعىنىڭ باسشىلارى مەن بيزنەسمەندەر كىردى.
ساپاردىڭ باستى ماقساتى - قازاقستان پرەزيدەنتى نۇرسۇلتان نازاربايەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنىڭ اۋىل شارۋاشىلىعى ونىمدەرىنىڭ ەكسپورتى بويىنشا تاپسىرمالارىن ورىنداۋ جانە ءوزارا ءتيىمدى ەكىجاقتى كەلىسىمدەرگە قول جەتكىزۋ بولىگىن ىسكە اسىرۋ.