شەكارا ماڭىندا اۋىلشارۋاشىلىق جەرلەرىن بەرۋگە تالاپتار ايقىندالدى
دەپ حابارلايدى قازاقپارات.
«اتالعان زاڭ جوباسى جەر رەفورماسى بويىنشا كوميسسيا جۇمىسىنىڭ قورىتىندىسى اياسىندا ازىرلەندى. زاڭ جوباسىنىڭ نەگىزگى ەرەجەلەرى جەر پايدالانۋ قۇقىعىن بەرۋ تۇرعىسىندا كونكۋرستىق كوميسسيانىڭ قىزمەتىن ەگجەي- تەگجەيلى رەتتەۋ ارقىلى اۋىل شارۋاشىلىعى ماقساتىنداعى جەرلەردى بەرۋدىڭ ايقىن تەتىكتەرىن بەلگىلەۋگە، سونداي- اق اۋىل شارۋاشىلىعى ماقساتىنداعى جەرلەردى ءتيىمدى پايدالانۋىن جانە تۇراقتى مونيتورينگ جۇرگىزۋ ارقىلى جەر پايدالانۋشىلاردىڭ وزدەرىنە العان مىندەتتەمەلەرىن ورىندالۋىنا باقىلاۋدى كۇشەيتۋگە قاتىستى»، - دەپ توقتالدى دەپۋتات ساپارحان وماروۆ ءماجىلىستىڭ جالپى وتىرىسىندا.
ونىڭ سوزىنە قاراعاندا، مۇنىمەن قوسا، مەملەكەتتىك ورگاندارعا قازاقستاندىقتارعا جالعا بەرىلەتىن اۋىل شارۋاشىلىعى ماقساتىنداعى جەر تەلىمدەرىنىڭ شەكتى ماكسيمالدى كولەمىن انىقتاۋ بويىنشا قۇزىرەت بەرىلەدى.
«بۇدان باسقا، زاڭ جوباسىمەن مەملەكەت مۇقتاجىنا جەكە تۇرعىن ءۇي قۇرىلىسىن دامىتۋ جانە اۋىل تۇرعىندارىن جايىلىمدىق جەرلەرمەن قامتاماسىز ەتۋ ءۇشىن جەردى الىپ قويۋ مۇمكىن بولاتىن ەرەكشە جاعدايلاردىڭ تىزبەسى كەڭەيتىلگەن. سونىمەن قاتار قورعانىس مۇقتاجى جانە ۇلتتىق قاۋىپسىزدىك ءۇشىن جەرلەردى بەرۋمەن بايلانىستى ماسەلەلەر قاراستىرىلعان. شەكارا ماڭىنداعى اۋماقتاردا اۋىل شارۋاشىلىعى جەرلەرىن بەرۋگە تالاپتار انىقتالعان. جالپى، ۇسىنىلىپ وتىرعان زاڭ جوباسىنداعى نورمالار جەرگىلىكتى اتقارۋشى ورگاندار قىزمەتىنىڭ جاريالىلىعىنىڭ دامۋىنا، اۋىل شارۋاشىلىعى جەرلەرىن بەرۋ جۇيەسىنىڭ اشىقتىعىنا باعىتتالعان»، - دەدى س. وماروۆ.
اۆتور: رۋسلان عابباسوۆ