الەمدەگى ەڭ ۇلكەن جانۋار ءىزى اۋستراليادان تابىلدى - كەسكىن

استانا. قازاقپارات - پالەونتولوگتار تاريحتاعى ەڭ ۇلكەن جانۋاردىڭ ءىزىن اۋسترالياداعى دامپەر جارتىلاي الاڭىنىڭ جاعالاۋىنان تاپتى.

بۇل جەردى جەرگىلىكتى تۇرعىندار يۋرا كەزەڭىندەگى پارك دەپ اتايدى. سەبەبى، بۇل ايماقتا ەڭ كوپ دينوزاۆرلاردىڭ ىزدەرى شوعىرلانعان. مۇنداعى اياق ءىزىنىڭ ۇزىندىعى 1,75 مەترگە جەتەدى.

ءىز زاۋروپودقا - كەسىرتكە اياقتى، موينى شىعىڭقى ەجەلگى دينوزاۆرلار توبىنا جاتادى. تابان ىزدەرىنە قاراعاندا، ولاردىڭ بويى 5,4 مەتر شاماسىندا بولعان. زاۋروپودتار جەردە 200-85 ميلليون جىل بۇرىن يۋرادان بور داۋىرىنە دەيىن تىرشىلىك ەتكەن.