ديماش قۇدايبەرگەن قىتايداعى ءان بايقاۋىنىڭ جارتىلاي فينالىندا يتاليانشا ءان شىرقايدى

استانا. قازاقپارات - ديماش قۇدايبەرگەن «Singer 2017» ءان بايقاۋىنىڭ جارتىلاي فينالىندا يتاليانشا ءان شىرقايتىن بولدى، دەپ حابارلايدى قازاقپارات ءتىلشىسى.

Sina Weibo الەۋمەتتىك جەلىسىندە ديماش جاتتىعۋ كەزىندە يتالياندىق ءانشى ادريانو چەلەنتانونىڭ ايگىلى ءانى «Confessa»- نى ورىنداعانى تۋرالى اقپارات تارادى.

ادريانو چەلەنتانو «Confessa»ءانىن العاش رەت 2002-جىلى ورىنداعان. ءانشىنىڭ 2012-جىلى Youtobe-تەگى جەكە ارناسىنا جۇكتەلگەن ءاننىڭ بەينە بايانىنىڭ كورىلىمى 5 ميلليونعا جاقىنداعان.

ەسكە سالا كەتەيىك، ديماش بايقاۋدىڭ ون كەزەڭنەن تۇراتىن ىرىكتەۋ باسەكەلەرىن اياقتاپ، جالپى ەسەپتە ءبىرىنشى بولىپ فينالعا ءوتتى. بايقاۋدىڭ جارتىلاي فينالى 8- ساۋىردە Hunan TV تەلارناسىنان كورسەتىلەتىن بولادى.