ق ر ەنەرگەتيكا ءمينيسترى مۇنايدىڭ قولايلى باعاسىن اتادى

استانا. قازاقپارات - ق ر ەنەرگەتيكا ءمينيسترى قانات بوزىمبايەۆ الەمدىك نارىقتا تۇراقتىلىقتى ساقتاۋ ءۇشىن مۇنايدىڭ قولايلى باعاسىن اتادى، دەپ حابارلايدى قازاقپارات.

«تاقتاتاس مۇنايىن ءوندىرۋ (ا ق ش- تا) ايتارلىقتاي ارتپاس ءۇشىن باررەلىنە 50 دەن 60 دوللارعا دەيىنگى ءدالىز دۇرىس بولادى دەپ سانالۋدا. ەگەر دە مۇناي قۇنى باررەلىنە 60 دوللاردان اسسا، وندا ا ق ش- تا تاقتاتاس مۇنايىن ءوندىرۋ كولەمى ەلەۋلى كولەمدە ارتۋى ىقتيمال»، - دەدى بوزىمبايەۆ ۇكىمەت وتىرىسىنان كەيىن.

ەنەرگەتيكا ءمينيسترى تاقتاتاس مۇنايىن ءوندىرۋ كولەمىنىڭ ارتۋى ەكسپورتتاۋشىلارعا ءتيىمسىز ەكەنىن اتاپ ءوتتى.

«بۇندايدا مۇناي ەكسپورتتاۋشىلار زارداپ شەگەدى، سونىمەن قاتار بىزدە قوردىڭ كولەمى دە وسەدى. سوندىقتان نارىقتىڭ تۇراقتىلىعى تۇرعىسىندا باررەلىنە 50 جانە 60 دوللار ارالىعىنداعى ءدالىز ەڭ قولايلى باعا»، - دەپ تۇيىندەدى ءسوزىن مينيستر.

اۆتور: رۋسلان عابباسوۆ