فۋتبولدان قازاقستان قۇراماسى وزدەرىنىڭ ءبىر مۇشەسىن ەريەۆاندا ۇمىتىپ كەتكەن
بۇل تۋرالى Sputnik قازاقستان حابارلايدى.
ولار اۋەجايعا وزدەرىنىڭ باسپا ءسوز- اتتاشەسى ەربول قايىروۆتى تاستاپ كەتكەن. قازاقستان قۇراماسىنىڭ ارمەنياداعى ساتسىزدىكتەرى الەم چەمپيوناتىنىڭ 2018 -جىلعا ارنالعان ىرىكتەۋ تۋرنيرىندەگى جەڭىلىسىنەن كەيىن دە جالعاسىن تاپتى. ءبىرىنشى وقيعا قازاقستاندىق فۋتبولشىلار مىنگەن ۇشاقپەن بولدى. ول تۇندە ەريەۆاندىق «زۆارتنوتس» اۋەجايىنا ورالىپ شۇعىل قوندى.
كوماندا وكىلدەرىنە قايتا ۇشۋدى ءبىر ساعاتتان كوپ ۋاقىت كۇتۋلەرىنە تۋرا كەلدى. ولار قوناق ۇيگە ورنالاستىرىلعان. ەكىنشى وقيعا، Sputnik ارمەنيا تىلشىلەرى تۇندەگى جاعدايدىڭ ءمان- جايىن انىقتاۋ ءۇشىن كەلگەن كەزدە قوناق ۇيدە بولدى. ول كەزدە كوماندانىڭ باسىم بولىگى عيماراتتىڭ كىرە بەرىسىندە، ال قايىروۆ فويەدە بولعان.
قايىروۆ وقيعانىڭ قالاي بولعانىن ايتىپ بەرىپ جاتقاندا، قوناق ءۇي مەنەدجەرى تاڭدانا قاراپ: «ءسىز ءالى وسىنداسىز با؟! اۆتوبۋس جاڭا عانا ءجۇرىپ كەتتى» دەدى. جۋرناليستەر مەن باسپا ءسوز- اتتاشە قوناق ۇيدەن شىققان كەزدە اۆتوبۋس كەتىپ قالعان. قايىروۆقا اۋە ايلاعىنا ءوز بەتىمەن بارۋعا تۋرا كەلدى.