ەكسپو- دا قوناقتارىمىز زاتتارىن ۇرلاتسا، الەم الدىندا ماسقارا بولامىز - اسانوۆ
بۇل تۋرالى بۇگىن زاڭدىلىقتى، قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىنىڭ وتىرىسىندا ق ر باس پروكۋرورى جاقىپ اسانوۆ ايتتى.
«جالپى ۇرلىق ءبىزدىڭ مەملەكەتكە ۇلكەن شىعىن كەلتىرىپ وتىر. كۇرەستىڭ ءوزى دە. ال ەندى ورىن الاتىن قىلمىستىڭ 64 پايىزى ول - ۇرلىق. حالىقتىڭ مازاسىن الاتىن، ازاماتتاردىڭ بەرەكەسىن كەتىرەتىن بۇگىنگى كۇنى ۇرلىق بولىپ وتىر. ازايار ەمەس، كەرەسىنشە ءوسىپ كەلەدى. بۇل دەگەنىمىز نە؟ حالىق قۇقىق قورعاۋ ورگاندارىنا سەنبەيدى. نەگە سەنبەيدى؟ ويتكەنى، تىركەلگەن ۇرلىقتاردىڭ 70 پايىزى جىل سايىن اشىلماي قالىپ جاتىر»، - دەدى جاقىپ اسانوۆ.
ونىڭ اتاپ وتۋىنشە، اسىرەسە مال ۇرلىعى حالقىمىزعا، وتباسىن اسىرايمىن دەپ، ماڭداي تەرىن توگىپ، بارىن سالىپ، جۇرگەن ادامدار اۋىر سوققى بولۋدا.
«ەرتەڭ استانادا ەكسپو بولادى. بۇكىل وڭىردەن ازاماتتارىمىز كەلەدى. شەتەلدەن كەلەدى. ەرتەڭ ولار تونالىپ، ۇرلانىپ، جاتسا سول كەزدە الەم الدىندا ماسقارا بولامىز. ەلباسى وسىنى ىلعي ايتىپ كەلەدى، تالاپ ەتەدى. جالپى ءبىز مىنا نارسەنى ءتۇسىنۋىمىز كەرەك. جاپپاي ۇرلىقتى توقتاتپاي ءبىزدىڭ مەملەكەت ەش ۋاقىتتى دامىمايدى»، - دەدى باس پروكۋرور.
اۆتور: مارلان جيەمباي