ديماشتىڭ فرانسيالىق جانكۇيەرى «دايديداۋدى» قازاقشا ورىندادى

استانا. قازاقپارات - ديماش قۇدايبەرگەننىڭ فرانسيالىق جانكۇيەرى قازاق تىلىندە «دايديداۋ» ءانىن شىرقاپ، وعان سالەمىن جولدادى، دەپ حابارلايدى قازاقپارات.

YouTube ۆيدەو-حوستينگىنە جۇكتەلگەن بەينەجازبادا كلاريس ەسىمدى فرانسۋز قىزى «دايديداۋدى» بار ىنتاسىمەن ورىنداپ، ديماشتىڭ تالانتىنا ەرەكشە ءتانتى ەكەنىن جەتكىزگەن.

ايتا كەتەرلىگى، ديماش قۇدايبەرگەن 21- قاڭتاردا قىتايداعى ««Singer 2017 بايقاۋىنىڭ ءبىرىنشى كەزەڭىندە الەمدە ەڭ قيىن بەس ءاننىڭ ءبىرى سانالاتىن فرانسۋزدىڭ «SOS d'un terrien en détresse» ءانىن شىرقاپ، قىتاي مەن فرانسيا ەلدەرىن تاڭعالدىرعان بولاتىن.

فرانسيادا تۇراتىن ايگىلى ءانشى لارا فابيان دا قازاقستاندىقتىڭ ونەرىن باعالاپ، تاڭدانىسىن جاسىرا المادى. ديماشتىڭ PR مەنەدجەرى الپامىس وتكەن اپتادا انشىمەن بىرگە پاريج قالاسىنا بارعاندىعى تۋرالى جانە بۇل ساپارلارىنىڭ ماقساتىن جاقىن كۇندەرى جاريالايتىنىن ايتقان بولاتىن.

ەسكە سالا كەتەيىك، بۇعان دەيىن «دايديداۋ» ءانىن ديماشتىڭ قىتايلىق جانكۇيەرلەرى قىتاي تىلىندە شىرقاعان ەدى. ايتا كەتەيىك، شىڭجاڭدىق ءانشى گاو ءيىن (高樱) 2012-جىلى اتالمىش ءان قامتىلعان حالىق اندەرى البومىن شىعارىپ، يتاليانىڭ «Premio Lunezia» سىيلىعىن جەڭىپ العان بىردەن-ءبىر قىتايلىق ءانشى اتاندى.

اۆتور: مۇحتار قاليموللا ۇلى