ۋكراينا ەكسپوعا نازاربايەۆتىڭ سۇيىكتى انشىلەرىن الىپ كەلمەك
بۇل تۋرالى بۇگىن قازاقستان رەسپۋبليكاسىنداعى ۋكراينا ىستەرىنىڭ ۋاقىتشا سەنىمدى وكىلى ۆولودىمىر دجيدجورا ءمالىم ەتتى.
«ءبىز ەنەرگەتيكا تۇرعىسىنان عانا ەمەس، ۋكراينادا بار بارلىق قىزىقتاردى اكەلۋگە تىرىسامىز. ۋكراينا ارتىستەرى دە كەلەدى، سونىڭ ىشىندە پرەزيدەنت نازاربايەۆتىڭ سۇيىكتى انشىلەرىن شاقىردىق. ەلباسى، پرەزيدەنت مىرزا ستۋدەنت كەزدە دنەپرودجەرزينسكىدە وقىعان كەزدە ءسۇيىپ تىڭداعان مۋزىكادان بولەك، ۋكراينانىڭ قازىرگى زامانعى مۋزىكاسىمەن دە قىزىعاتىنىن انىقتادىق. سوندىقتان ولاردى دا قازاقستان جۇرتشىلىعى مەن پرەزيدەنت ءۇشىن استاناعا الىپ كەلۋگە تىرىسامىز»، - دەدى ۆ. دجيدجورا.
استاناعا قانداي انشىلەر كەلەتىندىگىن ۋكراينا وكىلى قۇپيا ساقتاۋدى ءجون كوردى. «ول توسىن سىي بولماق. ازىرگە ولاردى قۇپيادا ساقتاعىمىز كەلەدى»، - دەدى ول.
ايتا كەتەيىك، ۋكراينا ەكسپو-2017 كورمەسىنە قاتىسۋ تۋرالى كەلىسىمشارتقا 2016-جىلى 16- قاراشادا قول قويعان بولاتىن.
ۆ. دجيدجورانىڭ سوزىنشە، كورمەگە بالامالى ەنەرگيا ءوندىرۋشى ۋكراينالىق 10 كومپانيا قاتىسۋعا نيەت تانىتقان. ولاردىڭ قاتارىندا دتەك، فۋرلەندەر ۆيندتەحنولودجي»، «SYNEKO»، «SolarGaps» بار.
اۆتور: جاسۇلان جولدىبايەۆ