قانات يسلام ءوز لاقاپ اتىنىڭ جازىلۋىن وزگەرتتى

الماتى. قازاقپارات - قانات يسلامنىڭ لاقاپ اتىنىڭ جازىلۋى وزگەردى.

لاتىن ارىپتەرىمەن جازىلعان «Kazakh» ءسوزى ەندى «QAZAQ» دەپ جازىلاتىن بولدى، دەپ حابارلادى بوكسشىنىڭ PR مەنەدجەرى بەرىك سۇلتان.

«ەندى لاتىن ارىپتەرىندە QAZAQ دەپ جازىلادى. بۇدان بىلاي رينگكە كيىپ شىعاتىن كيىمىنىڭ الدىنان «KAZAKH» ەمەس، «QAZAQ» دەگەن جازۋدى كورەتىن بولاسىزدار.  Kanat «QAZAQ» Islam»، - دەدى بەرىك سۇلتان.

بەرىك سۇلتاننىڭ ايتۋىنشا، قانات يسلام جاتتىعۋىن باستادى. «10 كۇننەن كەيىن كەلەسى جەكپە-جەكتىڭ ۋاقىتى مەن كۇنىن جانە قارسىلاستى ايتامىز. بۇل جەكپە-جەك تە تيتۋلدى جۇدىرىقتاسۋ بولۋى مۇمكىن. كەلىسسوزدەر جۇرگىزىلۋدە»، - دەدى بوكسشىنىڭ PR مەنەدجەرى.

اۆتور: الماس مۇقاش ۇلى