العاش رەت ايەل ادام شياڭگاڭنىڭ باسشىسى بولىپ سايلاندى

استانا. قازاقپارات - گونكونگ اكىمشىلىگىنىڭ جاڭا باسشىسى بولىپ كەرري لام سايلاندى، ول ەرەكشە اۆتونوميالىق اۋدان تاريحىنداعى بۇل ورىنعا سايلانعان العاشقى ايەل.

لام كانديداتۋراسىنا بەيجىڭ قولداۋ جاسادى. ونىڭ جەڭىسىنە كۇمان كەلتىرگەندەر از. اكىمشىلىك باسشىسىن جالپى سايلاۋ ەمەس، باسىم بولىگى قىتاي ۇكىمەتىنىڭ مۇددەلەرىن قولدايتىن سايلاۋشىلارعا تيەسىلى قۇرامىندا 1200 مۇشەسى بار كوميتەت سايلايدى.

داۋىس بەرۋ وتكەن عيمارات ماڭىنا كەرري لام كانديداتۋراسىن بەكىتۋگە قارسى نارازىلىق بىلدىرگەن دەموكراتيالىق قوزعالىستىڭ جاقتاستارى جينالدى.

سايلاۋشىلار ساۋالىنىڭ ناتيجەسىنە زەر سالساق، ونىڭ باستى قارسىلاسى بۇرىنعى قارجى ءمينيسترى دجون تسان بولدى. ءۇشىنشى كانديدات وتستاۆكاداعى سۋديا ۆۋ كۆوك حين. 2014-جىلى گونكونگتە ەركىن جالپىعا بىردەي سايلاۋ وتكىزۋدى تالاپ ەتكەن دەموكراتيالىق باعىتتى ۇستانعان ستۋدەنتتەردىڭ قىزۋ دەمونستراتسياسى وتكەن.

بۇل بۇلىكتى ورتالىق بيلىك باسقان بولاتىن. 1200 مۇشەدەن تۇراتىن گونكونگ سايلاۋ كوميتەتى كەرري لامنىڭ كانديداتۋراسىنا داۋىس بەردى. ول شىلدەدە وتستاۆكاعا كەتەتىن اكىمشىلىك باسشىسى ليان چجەنيننىڭ ورنىن باسادى. كەرري لام ونىڭ ورىنباسارى بولعان. ول ءتۇرلى مەملەكەتتىك ورگانداردى باسقارعان، «كۇتۋشى» دەگەن لاقاپ ەسىمى بار.