حاڭجوۋدا ناۋرىز مەيرامى اتاپ ءوتىلدى
دەپ حابارلادى قىتايداعى «قازاقپارات» ح ا ا مەنشىكتى ءتىلشىسى.
شارا جىجياڭ قارجى جانە ەكونوميكا ۋنيۆەرسيتەتىنىڭ جانىندا دەمالىس كۇندەرى ءوتتى. وعان ستۋدەنتتەر عانا ەمەس، شاڭحاي قالاسىنداعى ق ر باس كونسۋلدىعى، ق ر ب ع م حالىقارالىق باعدارلامالار ورتالىعىنىڭ وكىلدەرى، شەتەلدىك قوناقتار مەن حاڭجوۋ قالاسىنداعى ۋنيۆەرسيتەتتەردىڭ رەكتورلارى قاتىستى.
ستۋدەنتتەردى مەرەكەمەن شاڭحاي قالاسىنداعى ق ر باس كونسۋلى جوشىحان قىراۋبايەۆ قۇتتىقتادى.
مەرەكەلىك شارالار ۇلتتىق بيمەن اشىلدى، شاشۋ شاشىلدى. ءادىلحان قارابالين، ارمان جۇماش، ايزادا ورمانبەكوۆا، يلشات ەربول ۇلى سەكىلدى قازاق جاستارى قارا دومبىرامەن «بالبىراۋىن»، «كەلىنشەك»، «اداي» جانە «ءالقيسسا» كۇيلەرىن ورىندادى.
«گۇلدەر» ستۋدەنتتىك بي ءانسامبلى «قارا جورعا»، «ناۋرىز بي»، «اداي» بيلەرىن بيلەدى، ستۋدەنتتەر قازاقستاننىڭ زاماناۋي ەاسترادالىق اندەرىن شىرقادى.
قوناقتار «قازاقشا كۇرەس»، ارقان تارتۋ، اسىق اتۋ جارىستارىن تاماشالادى. «ناۋرىز ارۋى» بايقاۋىندا مەرەكەلىك داستارحان جايىلىپ، باۋىرساق، پالاۋ، قۇرت، ناۋرىز كوجە جانە ت. ب. تاعامدار ۇسىنىلدى.