باتىس قازاقستاندىق اقىن رەسپۋبليكالىق ايتىستا ءبىرىنشى ورىندى يەلەندى
ق ر ءبىلىم جانە عىلىم مينيسترلىگىنىڭ قولداۋىمەن «ءبىلىم- يننوۆاتسيا» حالىقارالىق قوعامدىق قورى مەن «جادىگەر جاستارى» قوعامدىق بىرلەستىگى ۇيىمداستىرعان دوداعا ەلىمىز قالالارىنان جاسى وتىزعا دەيىنگى 12 اقىن قاتىسىپ، باق سىنادى. باس جۇلدەنى تارازدىق اسەت دۇيسەبايەۆ ەنشىلەدى.
«حالىقتىڭ ايتىسقا ىقىلاسى ەرەكشە عوي، بۇل جولى دا ستۋدەنتتەر سارايى لىق تولى بولدى. مەن استانادان كەلگەن 8-سىنىپ وقۋشىسى دياس وتەپبەرگەنمەن ءسوز قاعىستىردىم. ايتىس سوڭىندا: اعاسى ىزگىلىككە بەت تىرەيدى، دەمەڭدەر، وزەگىنەن تەپكىلەيدى. قابىلەتىن اشتىم دەپ ايتتىم جاڭا، وسىنداي ىنىلەردى تەكتى دەيدى. ەندى باعىن اشايىن بۇل بالانىڭ، بۇيىرسا، باسىنا باق كەپ تۇنەيدى. سوندىقتان ءوز جولىمدى بەرمەكشىمىن، دياسقا تالعات اق جول بەك تىلەيدى. شىنايى پەيىلمەنەن بەرىپ تۇرمىن، ايتىستى اياقتار كەز جەتتى دەيدى، ۇرپاق قامىن ويلايتىن ناعىز ۇستاز، وزىمنەن شاكىرت وزسىن دەپ تىلەيدى، دەپ جولىمدى بەردىم»، دەدى «قازاقپارات» تىلشىسىنە تالعات مىقي.
ايتا كەتەيىك، جازبا ولەڭمەن دە دەندەپ اينالىسىپ، كىتاپ شىعارىپ ۇلگەرگەن م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ تۇلەگى تالعات مىقي قازىرگى كەزدە ورالداعى قادىر مىرزا ءالي اتىنداعى مادەنيەت جانە ونەر ورتالىعىندا قىزمەت اتقارادى. ول بۇدان بۇرىن دا رەسپۋبليكالىق ايتىستاردا جۇلدە الىپ جۇرگەنىمەن، ءبىرىنشى ورىنعا العاش رەت كوتەرىلىپ وتىر.
اۆتور: ەلجان ەرالى