قازاقستان مەن مالايزيا قورعانىس جانە عارىش سالاسىندا ىنتىماقتاستىقتى نىعايتادى - فوتو

استانا. قازاقپارات - ق ر قورعانىس جانە اەروعارىش ونەركاسىبى ۆيتسە- ءمينيسترى مارات نۇرعوجين مالايزيادا ءبىرقاتار جۇمىس كەزدەسۋلەرىن وتكىزدى، دەپ حابارلادى «قازاقپارات» ح ا ا ءتىلشىسى.

مالايزيا قارۋلى كۇشتەرى قورىنىڭ (LTAT) باس اتقارۋشى ديرەكتورى ل. ۆ. كامارۋددينمەن كەلىسسوز ۋاقىتىندا LTAT تاجىريبەسى قارالدى. ول قارۋلى كۇشتەر ارداگەرلەرى مەن ولاردىڭ وتباسى مۇشەلەرىنە الەۋمەتتىك جانە قۇقىقتىق كومەك كورسەتۋ شارالارىن ىسكە اسىرۋعا جاۋاپتى ۇكىمەتتىك مەكەمە بولىپ تابىلادى. بۇعان الەۋمەتتىك تۇرعىن ءۇي، ەمدەۋ، ساۋىقتىرۋ، باسقا دا مادەني نىسانداردى سالۋ، قارجى قىزمەتىن كورسەتۋ، ساۋدا وپەراتسيالارىن جۇرگىزۋ جاتادى.

«ق ر اسكەري قىزمەتشىلەرىنە الەۋمەتتىك كومەك كورسەتۋدىڭ تەتىكتەرىن جەتىلدىرۋ بولىگىندە بۇل تاجىريبە بىزگە قىزىقتى»، - دەپ اتاپ ءوتتى ول.

سونداي- اق ق ر ۆيتسە- ءمينيسترى مالايزيا عىلىم، تەحنولوگيا جانە يننوۆاتسيا مينيسترلىگىنىڭ باس حاتشىسىنىڭ ورىنباسارى ر. دابۋلمەن، «CyberSecurityMalaysia»  ۇلتتىق اگەنتتىگىنىڭ اعا ۆيتسە- پرەزيدەنتى م. شاميرمەن، «ANGKASA» ۇلتتىق عارىش دەپارتامەنتىنىڭ ديرەكتورى م. يسمايلمەن كەزدەستى.

«ر. دابۋل اەروعارىش سالاسىنداعى جانە كيبەرقىلمىسپەن كۇرەستە ىنتىماقتاستىقتى كەڭەيتۋ مۇمكىندىگىنە باسا نازار اۋداردى. كەزدەسۋ قورىتىندىسى بويىنشا ءبىز ەكى ەلدىڭ ۇلتتىق كومپانيالارى اراسىندا بايلانىستى كەڭەيتۋگە، ق ر ق ا ءو م مەن مالايزيا «ANGKASA» ۇ ع ا اراسىندا ىنتىماقتاستىق تۋرالى مەموراندۋمعا قول قويۋ مۇمكىندىگىن قاراۋدى ۋاعدالاستىق»، - دەدى نۇرعوجين.