قاشاعاندا ەكى ميلليونىنشى توننا مۇناي ءوندىرىلدى
08:48, 25 - ناۋرىز 2017
اتىراۋ. قازاقپارات - كاسپي تەڭىزىنىڭ قازاقستاندىق بولىگىندە ورنالاسقان قاشاعان كەن ورنىنان ەكىنشى ميلليون توننا مۇناي ءوندىرىلدى، دەپ حابارلايدى «قازاقپارات» ح ا ا مەنشىكتى ءتىلشىسى.
«كەن ورنىنان مۇناي ءوندىرۋ وتكەن جىلدىڭ قىركۇيەگىندە قايتا باستالدى. قازىرگى ۋاقىتتا ءوندىرۋ كولەمى تاۋلىگىنە 180 مىڭ باررەلگە جەتتى. العاشقى ميلليون توننا مۇناي وسى جىلدىڭ قاڭتارىندا الىندى، ال ەكىنشىسى ناۋرىز مەيرامى قارساڭىندا ءوندىرىلدى»، - دەپ حابارلادى «نورت كاسپيان وپەرەيتينگ كومپاني ب. ۆ.» كومپانياسىنىڭ كەن ورنىن پايدالانۋ جونىندەگى ديرەكتورى اريان ۆان دەيك.