جولاۋشىلاردى دۇرلىكتىرگەن جىلاندى ستيۋاردەسسا ۇستاعان
07:13, 24 - ناۋرىز 2017
استانا. قازاقپارات - ا ق ش- تاعى الياسكا شتاتىندا انياك قالاسىنان انكوريدجگە باعىت العان ۇشاقتا جۇرتتى دۇرلىكتىرگەن جىلان ۇستالدى. بۇل تۋرالى KTVA حابارلادى.
جولاۋشىلار ۇشقاننان سوڭ ورىندىق استىندا ورالىپ جاتقان جىلاندى كورگەن. ولار دەرەۋ بۇل جايلى ەكيپاج مۇشەلەرىنە حابارلايدى.
جەتىپ كەلگەن ستيۋاردەسسا ونى ۇستاپ الىپ، قوقىسقا ارنالعان پلاستيكالىق پاكەتكە سالعان. كورگەندەردىڭ ايتۋلارىنشا، ايەل ەش ساسپاستان، ابىرجىماي ارەكەت ەتكەن.
اۋەكومپانياسى وكىلىنىڭ مالىمدەۋىنشە، باۋىرىمەن جورعالاۋشىنى ۇشاق بورتىنا جولاۋشىلاردىڭ ءبىرى الىپ وتكەن. ونىڭ ۇزىندىعى ءبىر مەتردەن استام. جىلاننىڭ قانداي ءتۇرى ەكەندىگى ازىرگە ايتىلماي وتىر.
اۆتور: ەرلان قوجاكەلديەۆ