داۋرەن ابايەۆ قازاقستاندىقتاردى ناۋرىز مەرەكەسىمەن قۇتتىقتادى
12:42, 22 - ناۋرىز 2017
استانا. قازاقپارات - اقپارات جانە كوممۋنيكاتسيالار ءمينيسترى داۋرەن ابايەۆ بارشا قازاقستاندىقتاردى ناۋرىز مەرەكەسىمەن قۇتتىقتادى، دەپ حابارلايدى قازاقپارات.
«ارداقتى اعايىن! سىزدەردى ناۋرىز مەيرامىمەن شىن جۇرەكتەن قۇتتىقتايمىن! ۇلىستىڭ ۇلى كۇنى وتباسىلارىڭىزعا بەرەكە، ەلىمىزگە ىرىس پەن ىنتىماق، جاقسىلىق اكەلسىن! اق مول، جىل جەمىستى بولسىن!» - دەدى ءوز قۇتتىقتاۋىندا مينيستر.
ايتا كەتەيىك، بيىل قازاقستاندىقتار ناۋرىز مەرەكەسىنە وراي قاتارىنان بەس كۇن دەمالىپ جاتىر. ەلىمىزدىڭ ءوڭىر- وڭىرىندە كوجە دايىندالىپ، ۇلتتىق ويىنداردان جارىستار ۇيىمداستىرىلدى. استانا قالاسىندا مەرەكەگە وراي بىرنەشە الاڭدا جالپى حالىقتىق مەرەكە جالعاسىپ جاتىر.
اۆتور: كەنجەكەي توقتامۇرات قىزى