ا ق ش سەگىز ەلدىڭ رەيستەرىنە نوۋتبۋك الىپ جۇرۋگە تىيىم سالادى
بۇل تۋرالى centralasian.org حابارلايدى.
ا ق ش ىشكى قاۋىپسىزدىك مينيسترلىگىنىڭ سەيسەنبى كۇنى جاريالانعان مالىمدەمەسى بويىنشا، تەررورلىق توپتار جولاۋشى ۇشاقتارىندا تەراكت جاساۋدىڭ جەتىلگەن ادىستەرىن بىلەدى، اتاپ ايتقاندا تەحنيكاعا جاسىرىلعان جارىلعىشتاردى پايدالانادى. نوۋتبۋكتەر مەن پلانشەتتەرگە دە تىيىم سالىنادى. ولاردى جۇككە وتكىزۋ ارقىلى عانا تاسىمالداۋعا بولادى.
تىيىم كاتار، يوردانيا، كۋۆەيت، تۇركيا، مىسىر، ساۋد ارابياسى، ماروككو جانە بىرىككەن اراب امىرلىكتەرىندەگى اۋەجايلاردان ا ق ش- قا باراتىن رەيستەرگە سالىندى. ەسكەرتۋ وسى ەلدەردەگى اۋە كومپانيالارعا تاراتىلدى. ولار قۇراما شتاتتارعا كۇنىنە 50 شاقتى رەيس جاسايدى.
بۇعان دەيىن ترامپ اكىمشىلىگى تەررورمەن كۇرەستى جەلەۋ ەتىپ، تاياۋ شىعىس پەن افريكانىڭ التى ەلىنىڭ ازاماتتارىن ەلگە ۋاقىتشا كىرگىزبەۋ تۋرالى شەشىم شىعارعان ەدى. ءبىراق بۇل تىيىمدى امەريكالىق سوتتار «توقتاتىپ» تاستادى.