كوكشەتاۋدا ءبىر توننا ناۋرىز- كوجە ءپىسىرىلىپ تاراتىلدى
11:28, 22 - ناۋرىز 2017
استانا. قازاقپارات - كوكشەتاۋدا 500 كەلى باۋىرساق ءپىسىرىلىپ، 1,5 مىڭ تاباق پالاۋ ۇلەستىرىلىپ، 300 كەلى ەت پەن ءبىر توننا ناۋرىز- كوجە ءپىسىرىلدى. بۇل تۋرالى اقمولا وبلىستىق ىشكى ساياسات باسقارماسى حابارلايدى.
كوكشەتاۋداعى «تاۋەلسىزدىك» الاڭىندا كيىز ۇيلەر، التىباقاندار ورناتىلعان. وندا ناۋرىز مەيرامىنان حابار بەرەتىن ءتۇرلى ەكسپوناتتار قويىلعان.
وبلىس اكىمى مالىك مۋرزالين بارشا جينالعان قاۋىمدى قۇتتىقتاپ، دەنساۋلىق پەن باقىت تىلەدى.
«كوكشەتاۋ تۇرعىندارى مەن قوناقتارى ءۇشىن مەرەكەلىك باعدارلاما دايىندالىپ، ءوڭىر ونەرپازدارى كونسەرت دايىنداپ، ارتىستەر ءتۇرلى ونەردەن شاشۋ شاشتى. مەرەكەدە ۇلتتىق داستۇرلەر ساحنالاندى. الاڭدا ۇلتتىق ويىندارى مەن سپورتتىق جارىستار وتكىزىلگەن. قاتىسۋشىلار قازاقشا كۇرەس، توعىزقۇمالاق، ارقان تارتۋ بويىنشا سىنعا ءتۇستى»، - دەلىنگەن حابارلامادا.
كونسەرتتىك باعدارلاما «ناۋرىز دۋمان» كوڭىلدى فلەشموبىمەن اياقتالدى.
Stan.kz