گولوۆكينمەن كەزدەسۋ ءۇشىن قويىلعان شارت سوندەرستىڭ كوڭىلىنەن شىقتى

 استانا. قازاقپارات - قازاقستاندىق بوكسشى گەننادي گولوۆكيننىڭ (37-0, 33 ك و) پروموۋتەرى توم لەففلەر ۇسىنعان شارت بريتانيالىق بوكسشى بيللي دجو سوندەرستىڭ (24-0, 12 ك و) كوڭىلىنەن شىقتى.

«مەنىڭ بارىنە كوڭىلىم تولدى. ءبىزدىڭ بارلىعىمىز دا كىرىستىڭ ءادىل بولىنگەنىن قالايمىز. مەن جەڭسەم سەنىمدى تۇردە جەڭگىم كەلەدى. مەندەگى قۇجاتتا ريەۆانش تۋرالى باپ جوق، گەنادا ول بار. باسقاشا ايتقاندا ماعان ءبارى دە ۇنادى. ەندى كىرىسەيىك»، - دەدى سوندەرس.

گولوۆكين-سوندەرس كەزدەسۋى استانادا شىلدە ايىندا وتەدى دەپ كۇتىلۋدە. كەزدەسۋ وتەتىن بالامالى ورىن رەتىندە لوندون اتالدى.