تانىمال فرانسۋز تەلەارناسى ديماشتىڭ تاڭعاجايىپ ونەرى تۋرالى رەپورتاج جاسادى - ۆيدەو
بۇل جولى فرانسياداعى France 2 تانىمال تەلەارناسى ديماشتىڭ ونەرى تۋرالى رەپورتاج جاسادى.
«ءسىز مىنا كەرەمەت داۋىستى ەستىپ تۇرسىزدار ما؟ بۇل داۋىستىڭ يەسىنىڭ ەسىمى ديماش. جانە ءبىز بۇگىن وسى جاس جىگىت جانە ونى قىتايدا تانىمال ەتكەن الەۋمەتتىك جەلى تۋرالى ايتامىز. ول وسى ءاندى ورىنداۋ ارقىلى ءوزىنىڭ العاشقى جارىس كەزەڭىندە-اق تانىمال تۇلعاعا اينالىپ شىعا كەلدى»، - دەدى تاڭعى باعدارلامانىڭ جۇرگىزۋشىسى. اتالمىش باعدارلاما فرانسياداعى تاڭعى تەلەاۋديتوريانىڭ 40 پايىزىن قامتيدى ەكەن.
«ءيا، ول دانيەل بالاۆۋاننىڭ قيىن ءانىن ورىندادى. وسى ەڭبەگى ءۇشىن ونى مەدالمەن ماراپاتتاۋ كەرەك»، - دەپ اتاپ ءوتتى جۇرگىزۋشىسى.
تەلەارنا سونداي-اق، جاس جىگىتتىڭ تارتىمدى ەكەنىن، ءتىپتى قىتايلىقتارعا سىرت كەلبەتى ۇقسايتىنىن دا ايتىپ ءوتىپتى.
رەپورتاج بارىسىندا ديماشتىڭ ۇلتى قازاق ەكەنى جانە قىتايشا سويلەمەيتىنى ايتىلعان. سوعان قاراماستان قازىردىڭ وزىندە Weibo (تۆيتتەردىڭ قىتايلىق بالاماسى) الەۋمەتتىك جەلىسىندە ديماشتىڭ ءۇش ميلليونعا جۋىق جازىلۋشىسى بار. جالپى، قىتايدا ونىڭ ۆيدەوسى الەۋمەتتىك جەلىلەردە ونى 1,5 ميلليارد قارالىم جيناعان.
بۇعان دەيىن ول قىتايدىڭ تانىمال تەلەارناسىنا قازاق تىلىندە سۇحبات بەرگەن بولاتىن. سونداي-اق، ديماش قاتىسىپ جاتقان جوبانىڭ وتاندىق «حابار» تەلەارناسىنان كورسەتىلەتىنىن دە حابارلاعان بولاتىنبىز.
ەسكە سالا كەتسەك، ديماش قىتايلىق «Singer» تەلەشوۋىنىڭ فينالىنا ءوتتى. ديماش I am a Singer جوباسىنىڭ 10-كەزەڭدە ءوزىنىڭ اۆتورلىق تۋىندىسىن ورىنداپ، ءۇشىنشى ورىندى ۇتتى.
وسىلايشا ول اقتىق كەزەڭگە جولداما الىپ وتىر. ديماش ءالى دە جەڭىسكە ءۇمىتتى نەگىزگى فاۆوريت.