تولاسسىز جاۋعان جاڭبىردان اقتاۋ كوشەلەرىن سۋ باستى - فوتو

استانا. قازاقپارات - بۇگىن تۇندە اقتاۋ قالاسىندا توتەنشە جاعداي ورنادى.

جاڭبىر سالدارىنان قالا كوشەلەرىن سۋ باسىپ، كوممۋنالدىق قىزمەت كۇشەيتىلگەن رەجيمدەگى جۇمىسقا اۋىستى، دەپ حابارلايدى قازاقپارات.

ىشكى ىستەر مينيسترلىگى توتەنشە جاعدايلار كوميتەتىنىڭ باسپا ءسوز حاتشىسى رۋسلان يمانقۇلوۆتىڭ حابارلاۋىنشا، تولاسسىز جاۋعان جاڭبىر سالدارىنان قالانىڭ 5 كوشەسىن سۋ باسقان.

«اقتاۋ قالاسىندا جانە مۇنايلى اۋدانىندا جاڭبىر سالدارىنان 7 ۋچاستوكتى جانە 5 كوشەنى سۋ باستى. جاڭبىردىڭ سۋىن اعىزۋ ءۇشىن توتەنشە جاعدايلار دەپارتامەنتىنىڭ 11 قىزمەتكەرى، 2 تەحنيكا، سونداي-اق، قالالىق اكىمدىكتىڭ 30 قىزمەتكەرى مەن 9 كولىگى جانە 13 سۋ سورعىش تەحنيكاسى جۇمىلدىرىلعان»، - دەپ حابارلادى قازاقپارات تىلشىسىنە رۋسلان يمانقۇلوۆ.

جالپى، ونىڭ ايتۋىنشا، بۇل جاعداي ءبىرىنشى جىل قايتالانىپ وتىرعان جوق. «نەگىزگى سەبەپ - جاڭبىر. ال، كوشەلەردە سۋ اعىزاتىن ارىقتاردىڭ جوقتىعى، ارىق جۇيەسىنىڭ اقاۋى جاعدايدى ۋشىقتىرىپ جىبەردى. بۇل جۇيەلەردى رەتكە كەلتىرۋ تىكەلەي اكىمدىكتىڭ موينىندا»، - دەيدى يمانقۇلوۆ.

ال، ايماقتىق ب ا ق- تاردىڭ حابارلاۋىنشا، تۇننەن بەرى اقتاۋدىڭ كوممۋنالدىق قىزمەتى كۇشەيتىلگەن رەجيمدە جۇمىس ىستەپ جاتىر. «قالا جولدارى» ج ش س الداعى ەكى كۇن بويى دەمالىسسىز جۇمىس ىستەيتىنى حابارلانعان. بۇگىن تۇندە كوشەدەگى سۋدى سورعىزۋ ءۇشىن بەس كولىك، تاڭعى ساعات 05.00 دە تاعى ەكى كولىك تارتىلعان.

اۆتور: كەنجەكەي توقتامۇرات قىزى

Полицейские Мангистау просят водителей быть предельно внимательными на дороге. __ Комментарию без лайка 2000 тг на баланс🤗

Публикация от ВИДЕО КАЗАХСТАН🍉 (@dubsmash_kaz) Мар 20 2017 в 10:57 PDT