ەندى ترامپتىڭ تەلەفونىن تىڭدامايمىن - كەمەرون

استانا. قازاقپارات -  ۇلى بريتانيانىڭ بۇرىنعى پرەمەر-ءمينيسترى دەۆيد كەمەرون دونالد ترامپتىڭ تەلەفونىمدى تىڭدادى دەپ باراك وبامانى ايىپتاعان مالىمدەمەسىنە قاتىستى ازىلدەدى، دەپ جازادى Life.ru.

Associated Press اگەنتتىگىنىڭ حابارلاۋىنشا، رود-ايلەندتىڭ براۋن ۋنيۆەرسيتەتىندە (ا ق ش) ءسوز سويلەگەن كەمەرون «پرەمەر لاۋازىمىنان كەتۋدىڭ ەڭ باستى ارتىقشىلىقتارىنىڭ ءبىرى ەندى ترامپتىڭ تەلەفونىن تىڭدامايمىن» دەدى.

«بۇل، ارينە، قالجىڭ»، - دەپ اتاپ ءوتتى كەمەرون.

ەسكە سالا كەتسەك، بۇعان دەيىن ا ق ش پرەزيدەنتى دونالد ترامپ باراك وبامانى تەلەفونداعى اڭگىمەلەرىمدى تىڭدادى دەپ ايىپتاعان ەدى.

ول ءۇشىن وباما بريتاندىق تىڭشىلاردان كومەك سۇراعان دەپ ەسەپتەيدى. الايدا ترامپ ءوز سوزدەرىنە ەشقانداي ايعاق كەلتىرمەدى.