قازاقستاندىق كاسىپقوي بوكسشىنىڭ جاڭا قارسىلاسى بەلگىلى بولدى

استانا. قازاقپارات - ورتا سالماقتاعى قازاقستاندىق كاسىپقوي بوكسشى ايدوس ەربوسىن ۇلىنىڭ قارسىلاسى اۋىستى، دەپ حابارلايدى قازاقپارات ءتىلشىسى.

وسىعان دەيىن ءتورت كەزدەسۋ وتكىزىپ، بارلىعىن دا مەرزىمىنەن بۇرىن اياقتاعان ايدوس ەربوسىن ۇلى بەسىنشى ايقاسىندا 23- ناۋرىز كۇنى نيۋ-يوركتا جەرگىلىكتى بوكسشى مايكل ميتچەللمەن (4-7-2) جۇدىرىقتاسپاق بولعان ەدى.

الايدا، جەكپە-جەك جاقىنداعان ۋاقىتتا قارسىلاسى بەلگىسىز سەبەپتەرگە بايلانىستى كەزدەسۋدەن باس تارتتى.

ەندى ول تاعى ءبىر امەريكالىق بوكسشى ريارۋسا دادليمەن (5-1-1, 2 ك و) ايقاسپاق. ءبىزدىڭ وتانداسىمىز ايدوس ەربوسىن ۇلى ءتورت كەزدەسۋدىڭ ەكەۋىن ۋكراينادا، قالعان ەكى جەكپە-جەكتى ءوز ەلىمىزدە وتكىزگەن بولاتىن. ال 23- ناۋرىزداعى ايقاسى ا ق ش اۋماعىنداعى العاشقى جەكپە-جەگى بولماق.

اۆتور: كۇنسۇلتان وتارباي