شوتلانديا تاۋەلسىزدىك العان جاعدايدا ە و- عا مۇشەلىك ەتۋ تۋرالى ءوتىنىم بەرەدى

استانا. قازاقپارات - ۇلى بريتانيادان تاۋەلسىزدىك العان جاعدايدا ەۋرو وداققا مۇشەلىك ەتۋ تۋرالى ءوتىنىم بەرەدى. بۇل تۋرالى شوتلانديانىڭ ءبىرىنشى ءمينيسترى نيكولا ستيەردجەن مالىمدەدى.

 بىرنەشە كۇن بۇرىن ول ەلدىڭ تاۋەلسىزدىك تۋرالى جاڭا رەفەرەندۋم وتكىزۋگە نيەتتى ەكەنىن ايتقان بولاتىن. ەگەر لوندون قارسىلىق تانىتپاسا، ساياسي شارا كەلەسى جىلدىڭ كۇزى مەن 2019 -جىلدىڭ كوكتەمى ارالىعىنا جوسپارلانۋى مۇمكىن.

 ايتا كەتكەن ءجون، بىلتىر جازدا  ۇلى بريتانيادا رەفەرەندۋم وتكەن بولاتىن. ونىڭ قورىتىندىسى بويىنشا، حالىقتىڭ كوپ بولىگى ەۋرووداقتان شىعۋ ءۇشىن داۋىس بەرگەن. الايدا شوتلانديالىقتاردىڭ جەكە وزدەرىن العاندا 62 پايىزى بۇل ساياسي شارا كەزىندە وداق قۇرامىندا قالۋدى قولداعان.

www.24.kz