اسەت يسەكەشيەۆ استانالىقتاردى ناۋرىز مەرەكەسىمەن قۇتتىقتادى
12:25, 20 - ناۋرىز 2017
استانا. قازاقپارات - ەلوردا اكىمى اسەت يسەكەشيەۆ استانالىقتار مەن قالا قوناقتارىن ناۋرىز مەرەكەسىمەن قۇتتىقتادى، دەپ حابارلايدى astana.kz.
قۇرمەتتى استانالىقتار جانە قالا قوناقتارى! سىزدەردى ۇلىستىڭ ۇلى كۇنى - ناۋرىز مەرەكەسىمەن شىن جۇرەكتەن قۇتتىقتايمىن! ناۋرىز - جىلدىڭ باسى، كۇن مەن ءتۇننىڭ تەڭەلەر شاعى. بۇل - وتكەنگە سالاۋات ايتىپ، كەلەر كۇننەن بەرەكە تىلەيتىن، اق كوڭىل، ادال جۇرەك، دوس قۇشاقتاردى ايقاستىراتىن قادىرلى كۇن. تامىرىن تەرەڭنەن تارتقان وسىناۋ مەيرام - بەرەكە مەن بىرلىكتىڭ، تازالىق پەن تاتۋلىقتىڭ تۇعىرىن نىعايتىپ، شاتتىق پەن قۋانىشقا كەنەلتە بەرسىن. ءاز ناۋرىزدىڭ ءون بويىندا سان عاسىرلىق بابالار جولى مەن ۇلتتىق سالت- ءداستۇرىمىزدىڭ ورنەگى سايراپ جاتىر. ۇلىستىڭ ۇلى مەرەكەسى كەڭ بايتاق جەرىمىزگە، ەگەمەن ەلىمىزگە باقىت پەن شاتتىق، ىرىس پەن بەرەكە سىيلاسىن! سىزدەرگە زور دەنساۋلىق، وتباسىلارىڭىزعا ىنتىماق، ەڭبەكتەرىڭىزگە مول تابىس تىلەيمىن!»، دەلىنگەن قۇتتىقتاۋدا.