كولىك پوليتسەيلەرى جامبىل وبلىسىنىڭ تۇرعىنىنان اسا ءىرى كولەمدە ەسىرتكى تاركىلەدى
«اعىمداعى جىل باسىنان بەرى كولىك ساقشىلارى تاراپىنان 64 كەلىدەن استام ءارتۇرلى ەسىرتكىلىك زاتتار تاركىلكەندى. ەسىرتكىنىڭ زاڭسىز اينالىمىمەن بايلانىستى بارلىعى 106 فاكتى تىركەلدى. سونىمەن قاتار، اتالعان مەرزىمدە ەسىرتكى زاتتارىنىڭ كونترابانداسىنا قاتىستى 5 فاكتى، اسا ءىرى كولەمدەگى ەسىرتكى زاتتارىن تاركىلەۋگە قاتىستى 22 فاكتى انىقتالدى»، - دەپ اتاپ ءوتتى كولىكتەگى ءى ءى د ەسىرتكى بيزنەسىنە قارسى كۇرەس باسقارماسىنىڭ باستىعى بەرىكجان قادىروۆ.
ونىڭ مالىمدەۋىنشە بيىلعى جىلدىڭ ناۋرىز ايىنىڭ 13 ءى مەن 17 ءسى ارالىعىندا دەپارتامەنتتىڭ قىزمەت كورسەتۋ اۋماعىندا «دوپينگ» جەدەل ساۋىقتىرۋ ءىس-شاراسى ءوتتى.
ونىڭ ماقساتى - زاڭسىز ەسىرتكى اينالىمىنداعى ەسىرتكى جانە جۇيكەگە اسەر ەتەتىن زاتتاردى، پرەكۋرسورلاردىڭ جولىن كەسۋ، مەن قازاقستان رەسپۋبليكاسى باقىلاۋىنداعى زاتتاردى مەملەكەتتىك شەكارا ارقىلى وتكىزۋ فاكتىلەرىن انىقتاۋ بولاتىن.
«وتكىزىلگەن ءىس-شارانىڭ بارىسىندا 32 قىلمىستىق ءىس پەن قىلمىستىق تەرىس قىلىق انىقتالدى. زاڭسىز اينالىمنان 9,5 كەلىدەن استام ءار ءتۇرلى ەسىرتكى زاتتارى تاركىلەنىپ الىندى»- دەدى پوليتسيا پولكوۆنيگى.
ماسەلەن، دەپارتامەنت جانە ونىڭ جەلىلىك بولىنىستەرى قىزمەتكەرلەرى تاراپىنان «جان» لاقاپ اتتى قىزمەتتىك-ىزدەستىرۋ ءيتىنىڭ قومەگىمەن « قىزىلوردا-سەمەي» باعىتىنداعى جولاۋشىلار پويىزىنان 62 جاستاعى جامبىل وبلىسىنىڭ تۇرعىنىن ۇستالدى.
تەكسەرۋ بارىسىندا ودان قوڭىر-جاسىل ءتۇستى، وزىنە ءتان ءيىسى بار زات تابىلدى. سوت-ساراپتامالىق زەرتتەۋىنىڭ ناتيجەسىندە كۇدىكتىدەن تاركىلەنىپ الىنعان زات جالپى سالماعى 8 كەلى 755 گرامدى قۇرايتىن، ياعني، اسا ءىرى كولەمدەگى «گاشيش» ەسىرتكى زاتى ەكەنى انىقتالدى.
اتالعان فاكت ق ر قىلمىستىق كودەكسىنىڭ 296- بابى 4- تارماعى بويىنشا سوتقا دەيىنگى تەرگەۋ شارالارىمەن قامتىلدى. ۇستالعان ازامات جامبىل وبلىسى ءى ءى د شۋ ا ءى ءى ب ۋاقىتشا ۇستاۋ يزولياتورىنا وتىرعىزىلدى. تەرگەۋ امالدارى جۇرگىزىلۋدە.