ەلباسى پۋتينمەن تەلەفون ارقىلى سويلەستى
16:06, 18 - ناۋرىز 2017
استانا. قازاقپارات - قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن تەلەفون ارقىلى سويلەستى، دەپ حابارلايدى اقوردانىڭ باسپا ءسوز قىزمەتى.
مەملەكەتتەر باسشىلارى اڭگىمە بارىسىندا ەكىجاقتى ىنتىماقتاستىقتىڭ احۋالى مەن پەرسپەكتيۆالارىن، سونداي- اق ەۋرازيالىق ەكونوميكالىق وداقتىڭ قازىرگى قىزمەتى جانە ونى بۇدان ءارى دامىتۋ ماسەلەلەرىن تالقىلادى. ەلدەر كوشباسشىلارى كۇن تارتىبىندەگى وڭىرلىك جانە حالىقارالىق ماسەلەلەر، سونىڭ ىشىندە ۋكرايناداعى جاعداي تۋرالى، سونداي- اق استانادا 14-15 - ناۋرىزدا وتكەن سيرياعا قاتىستى حالىقارالىق كەزەكتى كەزدەسۋ قورىتىندىلارى جونىندە پىكىر الماستى.